Muxuu Ahaa Ajandaha ay Kawadahadleen Safiirka China iyo Ku-xigenka Hey’adda Sodma

Guddoomiye ku xigeenka Hay’adda Maaraynta Musiibooyinka Soomaaliyeed, Md. Dr. Axmed Cabdi Aadan ayaa maanta kulan mira-dhal ah la qaatay Safiirka Dowladda Shiinaha u qaabilsan Soomaaliya H.E Fei Shengchao.

Kulanka ayaa diiradda lagu saaray sidii loo adkeyn lahaa wada-shaqeynta hay’adda SoDMA iyo Safaaradda, halka dhinacyadu gareen heshiis wada-shaqeyn hor leh oo waji cusub u furaya gargaarka bani’aadannimo iyo doorka Shiinaha ee maareynta musiibooyinka.

Sidoo kale, Dr. Axmed Cabdi ayaa Danjire Shengchao gaarsiiyay waraaq mahad-celin ah oo Guddoomiyaha Hay’adda SoDMA, Md. Maxamuud Macallin Cabdulle u diray safaaradda iyo Dowladda Shiinaha taasoo uu si weyn ugu bagaadiyay taageeradooda Soomaaliya.