Janaraal odawaa oo loo magacaabay taliyaha ciidank xoogga

Taliyihii hore ee ciidanka xoogga dalka Janaraal Odawaa Yuusuf Raage ayaa mar kale loo magacaabay taliyaha cusub ee ciidanka, waxaana magacaabistii meel mariyay golaha wasiirrada.

Golaha Wasiirrada Xukuumadda Jamhuuriyadda Federaalka Soomaaliya, oo caawa yeeshay kulan degdeg ah ayaa ansixiyey soo jeedinta Wasaaradda Gaashaandhigga ee magacaabista Taliyaha Ciidanka Xoogga dalka Soomaaliyeed oo loo magacaabay S/Gaas Odowaa Yusuf Raage.

Magacaabista Janaraalka 5-ta sano soo hoggaaminayay ciidanka, ku dhawad 20-ka sanona ka tirsanaa militariga ayaa lagu macneeyay in looga maarmi waayay dardargelinta difaaca dalka iyo la dagaallanka Alshabaab.