Soomaaliya oo Tacsi u Dirtay Dowladda Itoobiya Kaddib Masiibadii Roobabka Gobolka Amxaarada

Published August 5, 2026 - Updated August 5, 2026

Akhris 2 daqiiqo ah

Dowladda Federaalka Soomaaliya ayaa tacsi rasmi ah u dirtay Dowladda Federaalka Dimuqraadiga Itoobiya, kaddib masiibadii ka dhalatay roobab xooggan oo ka da’ay gobolka Amxaarada, kuwaas oo sababay khasaaro naf iyo maalba leh.

War-saxaafadeed ay soo saartay Wasaaradda Arrimaha Dibadda iyo Iskaashiga Caalamiga ah ee Soomaaliya ayaa lagu sheegay in dowladda Soomaaliya ay murugada la qaybsaneyso dowladda, shacabka iyo qoysaska ay dhibaatadu saameysay.

Dowladda Soomaaliya ayaa sidoo kale muujisay garab istaag ay la garab taagan tahay Itoobiya xilligan adag, iyadoo u rajeysay dadka ku dhaawacmay masiibada inay si degdeg ah u bogsadaan.

War-saxaafadeedka ayaa lagu bogaadiyay dadaallada socda ee lagu badbaadinayo dadka ay saameeyeen fatahaadaha iyo roobabka xooggan, waxaana lagu baaqay in la sii wado gurmadka bani’aadannimo ee loo fidinayo bulshada ay dhibaatadu haleeshay.

Ugu dambeyn, Dowladda Federaalka Soomaaliya ayaa mar kale u dirtay shacabka iyo dowladda Itoobiya tacsi iyo tiiraanyo, iyadoo u rajeysay dhaawacyada caafimaad degdeg ah, isla markaana muujisay sida ay uga xun tahay masiibada dabiiciga ah ee ka dhacday gobolka Amxaarada.

Soomaaliya oo Tacsi u Dirtay Dowladda Itoobiya Kaddib Masiibadii Roobabka Gobolka Amxaarada

Ka hel Goobjoog wixii cusub.

From the comments