Madaxweyne Xasan Sheekh: Haddii Muqdisho aanay Ammaan Ahayn, London-na Ammaan Ma Noqon karto

Published October 30, 2026 - Updated October 30, 2026

Akhris 2 daqiiqo ah

Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa sheegay in amniga Soomaaliya uu xiriir toos ah la leeyahay amniga caalamka, isaga oo digniin ka bixiyay in khatarta argagixisada ee ka jirta Soomaaliya aysan ku koobnayn xuduudaha dalka.

Madaxweynaha oo wareysi siiyay telefishinka Sky News ayaa sheegay in haddii Muqdisho aysan ammaan ahayn, magaalooyinka waaweyn ee caalamka sida London aysan iyaguna ka badbaadi karin khatarta argagixisada.

Isaga oo ka hadlayay xiriirka ka dhexeeya amniga Soomaaliya iyo kan caalamka, ayuu sheegay in dagaalka lagula jiro argagixisada ee ka socda Soomaaliya uu sidoo kale muhiim u yahay sugidda amniga dalalka kale, gaar ahaan kuwa ay suuragalka tahay in kooxaha xagjirka ahi bartilmaameedsadaan.

Madaxweyne Xasan Sheekh ayaa tilmaamay in argagixisadu tahay dhibaato caalami ah oo aan hal dowlad keligeed wax ka qaban karin, loona baahan yahay iskaashi iyo isku-duwid caalami ah.

Waxa uu sheegay in taageerada Soomaaliya ee dagaalka ka dhanka ah argagixisada aysan ahayn oo keliya caawinta dal dhibaato amni wajahaya, balse ay qayb ka tahay ilaalinta amniga guud ee dunida.

Madaxweynaha ayaa xusay in khatarta argagixisada iyo amniga caalamku ay yihiin arrimo isku xiran, sidaas darteedna ay muhiim tahay in dalalka caalamku si wadajir ah uga shaqeeyaan ciribtirka kooxaha xagjirka ah.

Madaxweyne Xasan Sheekh: Haddii Muqdisho aanay Ammaan Ahayn, London-na Ammaan Ma Noqon karto

Ka hel Goobjoog wixii cusub.

From the comments