Madaxweynaha cusub ee Somaliland oo soo saaray go’aamo

Madaxweynaha cusub ee la doortay ee Somaliland, Cabdiraxmaan Cirro, ayaa ku dhawaaqay go’aamo muhiim ah oo ku saleysan xaaladda Somaliland.

Waxa uu si cad u sheegay in aysan jiri doonin wax dabaaldeg ah oo la xidhiidha guushiisa si loo tixgeliyo xaaladda adag ee ka taagan gudaha Somaliland. Madaxweynaha ayaa sidoo kale ku booriyay bulshada inay ka shaqeeyaan sugidda amniga .

Madaxweyne Cirro wuxuu ku baaqay in la xasuusto oo loo duceeyo madaxweynihii hore ee Somaliland, Axmed Siilaanyo, oo dhawaan geeriyooday, isaga oo ka hadlay doorkiisii weynaa ee horumarinta Somaliland.

Wuxuu si gaar ah ugu mahadceliyay madaxweynihii hore Muuse Biixi Cabdi, oo uu ku ammaanay qabashada doorasho si nabad ah ku soo dhammaatay​​​​​​.

”Dhibane u noqon maysaan afkaartiina shaqsiga ah ayuu yiri”Madaxwaynaha cusub ee Somaliland Cabdiraxman Cirro

Wuxuu ku baaqay midnimo iyo in uu dhammaaday ololihii doorashada wixii hadda ka dambeeyana ay si wadajir ah uga shaqeyn doonaan midnimada Somaliland.