NISA oo shaacisay magacyada xubno ka tirsan Shabaab oo howlgal lagu dilay

Ciidamada Hay’adda Sirdoonka iyo Nabad Sugidda Qaranka ee NISA, oo kaashanaya Ciidanka Xoogga Dalka, ayaa fuliyey howlgal qorsheysan oo lagu dilay xubno ka tirsan kooxda Shabaab oo ku sugnaa duleedka tuulada Jambaluul oo hoos tagta degmada Afgooye ee gobolka Shabeellaha Hoose.

Howlgalkan ayaa lagu guuleystay in lagu soo afjaro afar xubnood oo ka tirsan kooxda Shabaab, kuwaas oo magacyadooda kala ah:

1. Macallin Nuur, oo kooxda u qaabilsanaa marin habaabinta dhallinyarada deegaanka.
2. Liibaan, oo kooxda u qaabilsanaa ururinta lacagaha baadda ah.
3. Cali Yare, oo ka mid ahaa xubnaha kooxda ee loogu yeero Xisbiga.
4. Bilaal, oo isna ka tirsanaa kooxda Xisbada.

Sidoo kale, howlgalka waxaa lagu dhaawacay Kuusow iyo Caddow, oo iyaguna ka tirsan kooxda Xisbada.