Ciidanka Xoogga Dalka oo sheegay inay dileen in ka badan 60 xubnood oo Al-Shabaab ah deegaanka Leego

Published November 7, 2026 - Updated November 7, 2026

Akhris 1 daqiiqo ah

Leego, 7 Nofeembar 2026 – Ciidanka Xoogga Dalka Soomaaliyeed ayaa howlgallo milatari oo qorsheysan ka fuliyey deegaanno hoos yimaada deegaanka Leego ee gobolka Shabeellaha Hoose, halkaas oo ay ku sugnaayeen maleeshiyaadka Al-Shabaab.

Wararka laga helayo howlgalka ayaa sheegaya in ciidamada dowladda ay dagaalladaas ku dileen in ka badan 60 xubnood oo ka tirsanaa Al-Shabaab, inkastoo aan weli si madax-bannaan loo xaqiijin tirada khasaaraha la sheegay.

Sidoo kale, ciidamada ayaa la sheegay inay gubeen gaadiid ay adeegsanayeen maleeshiyaadka Al-Shabaab, taas oo qeyb ka ah dadaallada lagu wiiqayo awoodda dagaal iyo dhaq-dhaqaaqa kooxda.

Howlgalladan ayaa qeyb ka ah howlgallada milatari ee Ciidanka Xoogga Dalka Soomaaliyeed ka wadaan gobolka Shabeellaha Hoose, kuwaas oo ujeedkoodu yahay in Al-Shabaab laga saaro deegaannada ay ku sugan yihiin, isla markaana la xaqiijiyo amniga iyo xasilloonida.

Dowladda Federaalka Soomaaliya ayaa ciidanka ku dhiirrigelisay sii wadidda howlgallada ka dhanka ah Al-Shabaab, iyadoo bulshada ku boorrisay inay la shaqeeyaan hay’adaha amniga.

Ciidanka Xoogga Dalka oo sheegay inay dileen in ka badan 60 xubnood oo Al-Shabaab ah deegaanka Leego

Ka hel Goobjoog wixii cusub.

From the comments