Madaxweynaha Turkiga oo Soomaaliya si weyn ugu maamuusay gurmadkii ay la garab istaagtay markii dhulgariirka ka dhacay dalkaas 2023

Madaxweynaha Dalka Turkiga, Recep Tayyip Erdogan, ayaa dowladda iyo dadka Soomaliyeed ku maamuusay, si weynna uga mahadceliyay taageeradoodii wax ka qabashada dhibaatadii ka dhalatay dhulgariirkii 6-dii Febraayo  ee sanadkii 2023 ka dhacay dalkaas.

Munaasabad lagu xusayay sanad-guuradii labaad ee ka soo wareegtay dhulgariirkaas oo lagu qabtay Gobolka Adiyaman ee dalkaasi Turkiga, ayaa Madaxweyne Erdogan wuxuu u mahadceliyay dowladda iyo dadka Soomaaliyeed, isagoo xusay inay mar walba garab taagan yihiin Jamhuuriyadda Turkiga.

Madaxweynaha ayaa salaan u diray Madaxweynaha iyo dadweynaha Soomaaliyeed,  Qunsulka Safaaradda Soomaaliya ee Turkiga Cabdirixiin Maxamuud  ayaana Madaxweynaha ka guddoomay biladda Xasuusta ee gurmadkii Soomaaliya, isagoo uga mahadceliyey taageerada iyo garab istaaggeeda.