Magaalooyinka waaweyn ee deegaanka Soomaalida oo korontadu ka go’antahay muddo todobaad ah

Magaalooyinka waaweyn ee deegaanka Soomaalida ayaa muddo ku dhow hal todobaad wajahaya xaalad Koronto la’aan ah, waxayna dadku safaf dheer dheer ugu jiraan goobo aad u tiro yar oo laga helo qalabka solar-ka ah ee dabka dhaliya.

Koronta la’aanta deegaanka ayaa lagu sababeen in deegaanka awash ee gobolka Canfarya lagu xaday qalabkii Korontada u qeybin jiray ismaamullada bari ee Itoobiya, wuxuuna adeeggani sidoo kale ka maqan yahay magaalooyinka Dira-dhabe iyo Harar.

Korantada ayaa caqabad ku noqatay nolosha dadka xilli lagu jiro bisha Ramadaan, islamarkaana heerkulka deegaannada Soomaalidu uu aad u sarreeyo, lama’se oga in arrintan si degdeg ah wax looga qaban doono iyo inay xal u heliddeedu waqti dheer qaadan doonto.