Dowladda Soomaaliya oo soo saartay digniin ku socoto Xujayda Soomaaliyeed

Published April 29, 2025

Akhris 2 daqiiqo ah

Wasaaradda Awqaafta iyo Arrimaha Islaamka ee Xukuumadda Jamhuuriyadda Federaalka Soomaaliya waxay si rasmi ah ugu digtay dhammaan muwaadiniinta Soomaaliyeed, gaar ahaan Xujayda sanadkan 1446/2025 u socda gudashada waajibaadka xajka, inay aad uga digtoonaadaan la macaamilka shirkado been abuur ah iyo shaqsiyaad dullaaliin ah oo sheeganaya inay bixiyaan adeegyada xajka.

Wasaaraddu waxay caddaynaysay in shirkadaha iyo shaqsiyaadkaasi aysan ka diiwaangashaneyn Wasaaradda islamarkaana aysan ku jirin nidaamka rasmiga ah ee dowladdu u dejisay u adeega Xujeyda Soomaaliyeed.

Sidaas darteed, muwaadiniinta Soomaaliyeed waxaa la faray in ay xaqiijiyaan shirkadda ay adeegga ka qaadanayaan, kana hubiyaan liiska rasmiga ah ee ay Wasaaraddu ansixisay.

“Wasaaradda Awqaafta iyo Arrimaha Islaamka waxay si joogto ah ugu hawlan tahay ilaalinta xuquuqda Xujayda Soomaaliyeed iyo hubinta in adeegyada xajka loo qabto si hufan, sharciyeysan, oo tayo leh. Waxaana la ogaysiinayaa dhammaan bulshada Soomaaliyeed in Wasaaraddu ay mar walba diyaar u tahay inay bixiso xog rasmi ah oo ku saabsan shirkadaha xajka ee la oggol yahay” ayaaa lagu yiri War-saxaafadeed kasoo baxay Wasaaradda

Ugu dambeyn, Wasaaraddu waxay digniin adag u dirtay cid kasta oo isku dayda in ay ku takri-fasho magaca Xajka ama adeegyada la xiriira, iyadoo talaabo sharciyeed laga qaadi doono cid kasta oo lagu helo falal noocaas ah.

Dowladda Soomaaliya oo soo saartay digniin ku socoto Xujayda Soomaaliyeed

Ka hel Goobjoog wixii cusub.

From the comments