Madaxweynaha Kenya oo qaabilay Madaxweynaha Maamulka Somaliland

Published May 30, 2025

Akhris 1 daqiiqo ah

Madaxweynaha maamulka Somaliland, Mudane Dr. Cabdiraxmaan Maxamed Cabdilaahi (Cirro), oo booqasho ku jooga dalka Kenya, ayaa kulan muhiim ah la yeeshay Madaxweynaha Jamhuuriyadda Kenya, Mudane Dr. William Ruto.

Kulankan oo ka dhacay magaalada Nairobi ayaa labada hoggaamiye uga wada hadleen xoojinta iskaashiga labada dhinac ee dhinacyada ganacsiga, maalgashiga, dhaqaalaha, iyo isu socodka diyaaradaha.

Sidoo kale, waxay diiradda saareen muhiimadda nabadda iyo amniga gobolka Geeska Afrika, gaar ahaan xasilloonida siyaasadeed, la-dagaallanka xagjirnimada, iyo taageeridda dadaallada nabad-dhisidda ee gobolka.

Labada Madaxweyne ayaa si gaar ah uga wada hadlay fursadaha iskaashi ee dhinaca waxbarashada, is-weydaarsiga aqoonta jaamacadaha, kobcinta xirfadaha dhalinyarada, iyo awood-dhisidda hay’adaha dowliga ah.

Kulankan ayaa yimid Xilli dhawaan Kenya ay caddeysay in ay aqoonsan tahay midnimada Soomaaliya. islamarkana aysan jirin casumaad ay u fidisay Madaxweynaha Somaliland balse uu howlihiisa caadiga u tagay.

Madaxweynaha Kenya oo qaabilay Madaxweynaha Maamulka Somaliland

Ka hel Goobjoog wixii cusub.

From the comments