War
Maxkamadda Ciidamada Qalabka Sida ayaa maanta xukun ku riday shabakad lagu eedeeyay inay ka tirsan yihiin argagixisada, kana shaqeyneysay dilal qorsheysan iyo qaraxyo. Eedeysaneyaasha kala ah Maxamed Nuur Cali (Cabdimajiid),…
Maxkamadda Ciidamada Qalabka Sida ayaa maanta xukun ku riday shabakad lagu eedeeyay inay ka tirsan yihiin argagixisada, kana shaqeyneysay dilal qorsheysan iyo qaraxyo.
Eedeysaneyaasha kala ah Maxamed Nuur Cali (Cabdimajiid), Cabdullaahi Xuseen Maxamed, iyo Deeqoow Aadan Barre ayaa lagu xukumay min 10 sano oo xabsi ciidan ah.
Cabdishakuur Cabdiqaadir Maxmed “Webka” ayaa lagu helay inuu ka tirsanaa qeybta qaraxyada, waxaana lagu xukumay 8 sano oo xabsi argagixiso ah.
Farxaan Aadan Xasan, oo ka tirsanaa kooxaha Shabaab ee qorsheeya dilalka, ayaa isna lagu xukumay 5 sano.
Xassan Cali Ciire Kuuloow, oo ahaa shaqo suge kooxda u shaqeynayay, ayaa dib u helay xuriyadiisa kadib markii lagu waayay dambiga.
Xukunkaan ayaa yimid kadib howlgallo sirdoon oo ay NISA ka fulisay seddex goob bishii August 2024, halkaasoo lagu soo qabtay eedeysaneyaasha iyo hub, oo ay ku jireen bastoolado iyo bam-gacmeedyo.
Goobjoog Newsletter
Warar iyo falanqayn, iimaylkaaga.
From the comments