Golaha Guurtida oo Ansixiyay Muddo-kordhin Cusub oo loo Sameeyay Wakiillada iyo Deegaannada

Golaha Guurtida Somaliland ayaa maanta ansixiyay muddo-kordhin labo sano iyo saddex bilood ah oo loo sameeyay Golaha Wakiillada iyo goleyaasha deegaanka Somaliland, kaddib fadhi ay xubnuhu cod gacan taag ah ku meel mariyeen go’aankaasi.

Muddo-kordhintan ayaa la sheegay inay salka ku hayso duruufo la xiriira qabsoomidda doorashooyinka iyo diyaar-garowgooda, iyadoo go’aanka uu dhaliyay hadal-heyn siyaasadeed oo xooggan.

Qaar kamid ah dhinacyada siyaasadda ayaa taageeray tallaabadan iyagoo ku tilmaamay mid lagama maarmaan u ah xasilloonida iyo dhammaystirka geeddi-socodka doorashooyinka, halka mucaaradkuna ay su’aal geliyeen sharciyaddeeda iyo waqtigeeda.