MUQDISHO – Dowladda Mareykanka ayaa walaac xooggan ka muujisay rabshadaha iyo dagaallada ka socda magaalada Muqdisho, iyadoo sheegtay in xaaladda sii xumaaneysa ay khatar ku tahay amniga, midnimada iyo mustaqbalka Soomaaliya.
Qoraal ay baahisay Safaaradda Mareykanka ee Soomaaliya ayaa lagu sheegay in rabshadaha ka socda Muqdisho ay yihiin kuwo aan laga fiirsan, isla markaana dhammaan hoggaamiyeyaasha Soomaaliyeed ay saaran tahay mas’uuliyadda ilaalinta xasilloonida dalka iyo in khilaafaadka lagu xalliyo waddo nabadeed.
“Madaxda Soomaaliyeed ee dhammaan dhinacyada waxay leeyihiin waajibaad ay ku ilaaliyaan xasilloonida isla markaana ay ku xalliyaan kala duwanaanshahooda si nabad ah,” ayaa lagu yiri qoraalka.
From the comments