Soomaaliya iyo Pakistan oo Kala Saxiixday Is-afgarad Lagu Xoojinayo Iskaashiga Difaaca

Published August 4, 2026 - Updated August 4, 2026

Akhris 1 daqiiqo ah

Islamabad, Pakistan — Dowladda Federaalka Soomaaliya iyo Dowladda Pakistan ayaa kala saxiixday is-afgarad cusub oo lagu xoojinayo iskaashiga dhinacyada difaaca iyo amniga.

Is-afgaradka ayaa maanta magaalada Islamabad ku kala saxiixay Wasiirka Gaashaandhigga Soomaaliya, Axmed Macallin Fiqi, oo booqasho rasmi ah ku jooga Pakistan, iyo Wasiirka Difaaca Pakistan, Khawaja Muhammad Asif.

Heshiiskan ayaa diiradda lagu saarayaa xoojinta wada-shaqeynta labada dal ee dhinacyada la-dagaallanka argagixisada, tababarrada ciidamada, is-weydaarsiga khibradaha iyo aqoonta milatari, iyo horumarinta awoodaha difaaca ee Soomaaliya.

Sidoo kale, is-afgaradku wuxuu dhabbaha u xaarayaa in Soomaaliya iyo Pakistan ay sii xoojiyaan iskaashiga amniga iyo difaaca, iyadoo la kobcinayo awoodaha ciidamada iyo wada-shaqeynta hay’adaha difaaca ee labada dal.

Saxiixa heshiiskan ayaa loo arkaa tallaabo lagu ballaarinayo xiriirka istaraatiijiyadeed ee Soomaaliya iyo Pakistan, gaar ahaan dhinacyada amniga iyo difaaca, iyadoo labada dhinac ay muujinayaan rabitaan ku aaddan iskaashi waqti dheer ah.

Soomaaliya iyo Pakistan oo Kala Saxiixday Is-afgarad Lagu Xoojinayo Iskaashiga Difaaca

Ka hel Goobjoog wixii cusub.

From the comments