Soomaaliya iyo UNDP oo kala saxiixday heshiis iskaashi oo lagu taageerayo horumarinta dalka

Published August 11, 2026 - Updated August 11, 2026

Akhris 2 daqiiqo ah

Dowladda Federaalka Soomaaliya iyo Hay’adda Qaramada Midoobay u qaabilsan Horumarinta (UNDP) ayaa kala saxiixday heshiis is-afgarad (MoU) oo lagu xoojinayo iskaashiga dhinacyada horumarinta dalka.

Wasiirka Arrimaha Dibadda iyo Iskaashiga Caalamiga ah ee Soomaaliya, Mudane Cabdisalaam Cali, ayaa maanta waraaqaha aqoonsiga ka guddoomay Wakiilka cusub ee UNDP u qaabilsan Soomaaliya, Christophoros Politis.

Kadib kulanka, Wakiilka UNDP ayaa la kulmay Xoghayaha Joogtada ah ee Wasaaradda Arrimaha Dibadda, Xamsa Aadan Xaadoow, waxaana labada dhinac ay kala saxiixdeen heshiis is-afgarad oo dhigaya hannaan lagu xoojinayo iskaashiga u dhexeeya Soomaaliya iyo UNDP.

Heshiiskan ayaa diiradda saaraya taageerada mudnaanta horumarineed ee Soomaaliya, xoojinta hay’adaha dowladda iyo kobcinta horumar waara.

Dowladda Soomaaliya iyo UNDP ayaa sidoo kale xaqiijiyay sida ay uga go’an tahay in la sii xoojiyo iskaashiga dhinaca horumarinta, iyadoo UNDP ay sii wadi doonto taageerada dadaallada Soomaaliya ee lagu horumarinayo hay’adaha qaranka iyo kobaca waara.

Wasaaradda Arrimaha Dibadda ayaa sheegtay in heshiisku uu noqonayo qaab lagu sii xoojinayo iskaashiga horumarineed ee Soomaaliya iyo UNDP.

Soomaaliya iyo UNDP oo kala saxiixday heshiis iskaashi oo lagu taageerayo horumarinta dalka

Ka hel Goobjoog wixii cusub.

From the comments