Kenya oo Soo Dhaweysay Doorashada hoggaamiyaha Cusub ee Galmudug

Wasiirka Caafimaadka Kenya, Aden Duale, ayaa hambalyo u diray Liibaan Axmed Xasan oo loo doortay hoggaamiyaha Dowlad Goboleedka Galmudug.

Aden Duale, oo farriin ku baahiyay bartiisa Facebook, ayaa sheegay in doorashada Liibaan Axmed Xasan ay muujinayso horumarka nidaamka federaalka Soomaaliya.

Wuxuu u rajeeyay Hoggaamiyaha cusub inuu hoggaamintiisa mudnaanta siiyo danaha shacabka, kana shaqeeyo nabadda iyo horumarka, isaga oo sidoo kale xoojinta xiriirka Kenya iyo Soomaaliya ku tilmaamay arrin muhiim ah.