Agaasime cusub oo loo magacaabay Telefishinka Puntland

Published August 6, 2014

Akhris 2 daqiiqo ah

Madaxweynaha maamulka Puntland Cabdiwali Maxamed Cali Gaas ayaa Digreeto Numberkeedi Yahay LR.109 waxa uu ku magaacabay Agaasimaha Guud ee TV-ga iyo Raadiyaha Puntland C/fitaax Nuur Axmed (Ashkir) isagoo xilka ka qaaday Axmed Maxamed Cali (Kismaayo) oo muddo Hal sano ka badan ahaa Agaasimaha TV-ga iyo Raadiyaha maamulka Puntland.

Ashkir ayaa ka soo baxay jaamacad ku taalla magaalada Khartoum ee xarunta dalka Suudaan, waxa uu soo bartay saxaafada, waxa uu la soo shaqeeyay qaar ka mid ah warbaahinta dalalka carabta ku yaalla.

Digreetadan waxa ay ku taariikhaysan tahay 3 Agoosto 2014 Maalin Axada, waxaa sidoo kale loo Magacaabay ku xigeenka Agaasimaha TV/Radiyaha Dowlada Puntland Xuseen Xaaji Yuusuf.

Agaasimahii hore Axmed Kismaayo ayaa ahaa wariye in badan ka soo shaqeeyey Laanta Afka Soomaaliga ee BBC-da isagoo xilka Agaasimaha TV/Radiyaha qabtay Sanadkii hore xiligii la furay TV/Radiyaha waxaana u magacaabay Madaxweyne C/raxmaan Faroole.

Shalay ayay ahayd markii rag hubeysan ay la wareegeen xarunta TV-ga iyo raadiyaha Puntland ee Garoowe, balse saacado kadib waxaa dib ula wareegay xarunta ciidamo ka tirsan maamulka.

Arrintan ayaa ka dambeysay markii xilalka laga qaaday madaxdii hore uga shaqeyn jirtay TV-ga iyo Raadiyaha Puntland.

Agaasime cusub oo loo magacaabay Telefishinka Puntland

Ka hel Goobjoog wixii cusub.

From the comments