Warbixin: Dhaqaale UNDP-da u qoondeysay Soomaaliya oo aan meel lagu sheegin
Sida ay qortay FOX NEWS, Barnaamijka Hor-umarinta Qaramada Midoobey (UNDP) ayaa baaritaan uu sameeyay ku ogaaday in Malaayiin Dollar oo ay u bixisay hay’addaas mashaariic hor-umarineed ee dalka Soomaaliya aanan war laga heyn meel ay lacagtaas ku baxday iyo wax lagu qabtay intaba.
Sida ku cad Barta UNDP-da, in kabadn 25 Milyan oo dollar ayey hay’adda bixisay sanadkii 2013-kii, Warbixintan waxaa lagu diyaariyay Xafiiska Qaramada Midoobey ee u qaabilsan soomaaliya ee ku yaala dalka Kenya halkaas oo ah xafiiska isku xirka qaramada Midoobey u qabilsan in ka badan 20 hay’adaha qaramada Midoobey ah.
Baaritaanka ayaa lagu ogaaday in Documentiyadii lacagtaas ku saabsan ay ka muuqato fowdo ba’an, “ In si xun loo qoray ama aan la diyaarin”, ayuu taqriirka ka hadlay, sidoo kale fadhiyada guddigii gaar-ka ahaa ee loo saaray qaab u socodka mashruuca ayaanan qabsoomin ama dib u dhacay.
Qoraal-ka ayaa lagu sheegay in sanadkii 2013-ka aan haba yaraatee la diiwaan galin qaabka ay lacagtaas u baxday, Sidoo kale waxaa lacagtaas laga waayey barta ama hubinta daba-galka ee UNDP-da ee loo yaqaano(UNDP’s global financial tracking system), iyadoo Diiwaanada qaar ay adkaatay xisaabintooda.
Xafiiska UNDP, Kenya ayaa dalbaday in arintan ay soo dhexgalaan gacan sedexaad oo baarintaanka sameysa sida uu FOX NEWS u sheegay afhayeen u hadlay hay’adda.
Soomaaliya ayaa qar-ka u saran dhibaato banii’aadamnimo oo soo wajahda xilli Dowladda ay UN-ka taageeraan ay la dagaaleyso Al-shabaab, Cunto yari ba’an ayaa dalka soo food saartay iyadoo ay nafaqo darro heyso caruur ka badan 200,000 oo da’doodu ka yar tahay shan sano, sida ay ku warantay Qaramada Midoobey.
Shaqaalaha samafal-ka iyo arimaha banii-aadamnimada ayaa handadaad joogta ah kala kulma Al-shabaab. June 2013-kii Alshabaab ayaa weerar ku qaaday xarunta Qarama Midoobey ee Caasimadda Muqdishu iyagoo halkaas ku dilay Sideed ka tirsan shaqaalaha maxalliga iyo caalamiga ah,halka ay shaqaale kale ku qasbeen inay iska joogaan Kenya, halkaas oo hadda ah xafiiska howl-galka Qaramada Midoobey ee Soomaaliya.
Xigasho: RIA Novosti