Tiradii ugu dambeysay ee dadkii ku dhintay dagaalka marinka Qasa oo la shaaciyay
Sheeko:Wararka Caalamka
Wasaaradda Caafimaadka ee Gaza ayaa shaacisay Tiradii ugu dambeysay ee dadkii ku dhintay intii uu socday dagaalka marinka Qasa, waxaana muuqata in khasaaraha dhimashadu uu aad u korordhay bilihii la soo dhaafay.
Wasaaraddu waxay sheegtay in dhimashadu ay gaartay 48,189 qof, halka dhaawacyaduna ay 111,640 kor u dhaafeen, sida ku cad warbixinta.
Dagaalka marinka Qasa oo billowday 7-dii bishii Oktoobar ee sanadkii 2023-kii ayaa sababay khasaare baaxad leh oo dhimashadu, dhaawac iyo burbur baahsan isugu jirta, balse bishii la soo dhaafay ayaa laga gaaray heshiis xabbad-joojin ah oo u dhexeeya maamulka Israa’iil iyo ururka Xamaas.