Dahabshiil Motors iyo Chery Group oo Kala Saxeexday Heshiis Wakaaladeed oo Rasmi ah

Published October 20, 2026 - Updated October 20, 2026

Akhris 1 daqiiqo ah

Dahabshiil Motors, oo ka tirsan Dahabshiil Group, ayaa heshiis wakaaladeed iyo iskaashi ganacsi la saxeexatay shirkadda Chery Group ee dalka Shiinaha, kaas oo la xiriira ballaarinta adeegyada gaadiidka iyo helitaanka noocyo kala duwan oo baabuur ah.

Heshiiskan ayaa Dahabshiil Motors u furaya fursad ay ku ballaariso adeegyada ay macaamiisheeda siiso, iyadoo iskaashiga cusub uu ku saabsan yahay summado iyo noocyo kala duwan oo gaadiid ah oo ay soo saarto ama maamusho Chery Group.

Noocyada gaadiidka ee heshiiska lagu xusay waxaa ka mid ah Chery Tiggo, HIMLA, OMODA, JAECOO, Jetour, EXEED, LUXEED, iCAUR, LEPAS, EXLANTIX, Stockman iyo Freelander.

Tallaabadan ayaa qayb ka ah dadaallada Dahabshiil Motors ay ku ballaarinayso iskaashigeeda caalamiga ah, si ay macaamiisheeda ugu soo bandhigto gaadiid kala duwan iyo adeegyo la jaanqaadaya baahiyaha suuqa.

Heshiiskan ayaa sidoo kale muujinaya fursadaha iskaashi ganacsi ee u dhexeeya shirkadaha Soomaaliyeed iyo shirkadaha waaweyn ee caalamka, gaar ahaan dhinaca gaadiidka iyo tiknoolajiyadda baabuurta.

Dahabshiil Motors iyo Chery Group oo Kala Saxeexday Heshiis Wakaaladeed oo Rasmi ah

Ka hel Goobjoog wixii cusub.

From the comments