Duulimaadyadii Garoonka Beledweyne oo Maalintii Labaad Hakad Ku Jira

Duulimaadyadii tagi jiray ama ka bixi jiray Garoonka Ugaas Khaliif ee magaalada Beledweyne ayaa maalintii labaad hakad ku jira, kaddib iska-horimaad hubeysan oo Khamiistii dhexmaray ciidamada Jabuuti ee AUSSOM iyo…

Duulimaadyadii Garoonka Beledweyne oo Maalintii Labaad Hakad Ku Jira

Duulimaadyadii tagi jiray ama ka bixi jiray Garoonka Ugaas Khaliif ee magaalada Beledweyne ayaa maalintii labaad hakad ku jira, kaddib iska-horimaad hubeysan oo Khamiistii dhexmaray ciidamada Jabuuti ee AUSSOM iyo xoogagga deegaanka.

Iska-horimaadka ayaa billowday markii xoogagga deegaanka ay gudaha u galeen garoonka, kaddib markii ay heleen war sheegaya in diyaarad sidday ciidamo federaal ah ay kasoo duushay Muqdisho. Diyaaradda ayaa dib u laabatay iyada oo aan garoonka ka degin.

Ugu yaraan hal askari oo ka tirsanaa xoogagga deegaanka ayaa ku dhintay, lix kalena way ku dhaawacmeen iska-horimaadka.

Safaaradda Jabuuti waxay sheegtay inaan wax dhimasho ama dhaawac ahi soo gaarin ciidamadeeda, isla markaana ay ka hortageen in garoonka xoog lagu qabsado.

Maamulka garoonka ayaa sheegay in xirnaanshuhu soconayo Sabtida iyo Axadda, si dayactir loogu sameeyo dhabaha diyaaradaha iyo goobihii waxyeelladu gaartay.

Odayaasha dhaqanka, maamulka garoonka iyo saraakiisha Jabuuti ayaa lagu wadaa inay Axadda ka wada hadlaan dhacdada, ammaanka garoonka iyo dib-u-bilaabidda duulimaadyada.

Goobjoog Newsletter

Ka hel Goobjoog wixii cusub.

Warar iyo falanqayn, iimaylkaaga.

From the comments