Cadaado:- Imtixaanka Dugsiyada Sare Ee Mideysan Oo Lasoo Gabagabeeyay (Sawirro)

Waxaa maanta magaalada Cadaado ee gobalka Galgaduud lagu soo gabagabeeyay Imtixaanka Dugsiyada sare ee Mideysan, kaasi oo ay qaadeysay wasaaradda waxbarashada dowladda Federaalka ah.

Madaxweynaha maamulka Ximan iyo Xeeb Cabdullaahi Cali Maxamed Baarleex ayaa soo xiray Imtixaanka Mideysan ee magaalada Cadaado, iyadoo Imtixaankani ay u fariisteen arday badan.

Baarleex ayaa sheegay in ay tallaabo wanaagsan tahay hanaanka uu usoo xirmay Imtixaankaan, waxaana uu u mahadceliyay Kormeerayaasha halkaasi ku sugnaa.

Dhinaca kale Kormeere Maxamed Cabdi Cumar oo wasaaradda waxbarashada u xilsaartay la socoshada imtixaanka ayaa sheegay in qaab wanaagsan uu kusoo dhamaaday Imtixaanka.

Imtixaankaan ayaa ka bilawday magaalada Cadaado 15-kii bishaan, waxaana qaadaysay wasaaradda waxbarashada dowladda Soomaaliya.

Halkaan hoose ka arag sawirada

Goobjoog News