Cali Guudlaawe oo War Kasoo Saaray Taliyihii Baladweyne Lagu Dilay

Madaxweynaha maamulka  Hirshabeelle Mudane Cali Guudlaawe Xuseen ayaa ka tacsiyeeyay geeridii ku timid Allaha u naxariistee taliyihii Saldhigga Booliska magaalada Beledweyne Marxuum Lxle Maxamed Xuseen Maxamuud (Duurdage).

Madaxweynaha ayaa sheegay inaan la aqbali karin shaqaaqadii maanta ka dhacday Saldhiga magaalada waxa uuna faray taliska Ciidanka Booliska Hirshabeelle inay soo cadeeyaan falka uu ku dhintay taliyihii Saldhigga Magaalada Beledweyne.

Madaxweynaha ayaa u tacsiyeeyay qoyska qaraabada iyo guud ahaan Ciidanka Booliska ee uu ka baxay marxuumka, waxa uuna Allah uga baryay inuu naxariistiisa janno ka waraabiyo marxuum  lixle Maxamed Xuseen Maxamuud (Duurdage).