Maxakamadda Sare Ee Puntland oo Ka Biyodiiday Go’aankii Kasoo Baxay Isimada SSC Khaatuma
![](https://goobjoog.s3.eu-central-1.amazonaws.com/content/uploads/2023/12/24114911/WhatsApp-Image-2023-12-24-at-09.43.08.jpeg)
Warsaxaafadeed uu soo saaray guddoomiye ku xigeenka maxkamadda sare Puntland Axmed Sheikh Cumar Xassan ayaa lagu sheegay in go’aanka ay soo gaareen Isimmada SSC- Khaatumo uusan waafaqsanayn habraaca loo marayo kala kala gurista labada maamul ee PLN iyo SSC.
Guddoomiye ku xigeenku ayaa intaas sii raaciyay in maamulka Puntland uu xaq u leeyahay in xildhibaannada lagusoo xulo qaabkii horey loogu soo xuli jiray, isagoo sheegay doorashada ka dib in xal laga gaaridoono go’aanka isimmada SSC-Khaatumo ay soo saareen 17-ka mudane.
Warsaxaafadeedka kasoo baxay guddoomiye ku xigeenka maxkamadda sare Puntland Axmed Sheikh Cumar Xassan ayaa kusoo aadaya xilli maalin ka hor Isimada dhaqanka SSC Khaatumo ay ku dhawaaqeen in 17-ka xildhibaan ee Puntland kasoo gala ay diideen in ay u dirsadaan.