Xubno ka tirsan Shabaab oo isku soo dhiibay Ciidanka Xoogga dalka
Sheeko:La-dagaallanka Al-Shabaab
Roobow Abdiyow Hasan iyo Nuurow Tukow Manuur ayaa si rasmi ah isku soo dhiibay ciidanka Xoogga Dalka Soomaaliyeed, gaar ahaan Ururka 47-aad ee Guutada 8-aad, Qeybta 60-aad CXDS.
Labadan nin ayaa muddo sagaal bilood ah ka mid ahaa kooxda Al-Shabaab ee degmada Bu’aalle, oo ku taalla gobolka Jubada Dhexe.
Intii ay kooxda ku sugnaayeen degmada Bu’aalle, waxay ka qeyb qaateen tababaro kala duwan oo loogu talagalay inay u diyaariyaan la dagaalanka ciidanka Xoogga Dalka.
Taliyaha Ururka 47-aad ee Guutada 8-aad, L/X/le Ahmed Maxamed Nuur (Ahmed Dhagey), ayaa warbaahinta u xaqiijiyey in ragaasi ay isku soo dhiibeen meel ku dhow deegaanka Goof Gaduud, islamarkaana la marsiin doono Wadooyinka sharciga.