Maxaa looga hadlay kulanka madaxweyne Xasan Sheekh uu la qaaday madaxda Hirshabeelle iyo saraakiisha Ciidanka?
Sheeko:Madaxweynaha 10-aad
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ku hoyanaya jiidaha hore ee dagaalka ka dhanka ah kooxda Al-Shabaab ayaa kulan kula qaatay magaalada Moqokori Hoggaanka Hirshabeelle iyo saraakiisha ciidamada hormuudka u ah howlgallada.
Madaxweynuhu ayaa ka xogwareystay Madaxweyne Kuxigeenka Hirshabeelle iyo Hoggaanka ciidamada jiidda hore, guulaha la gaaray iyo caqabadaha jira, iyagoo soo bandhigay sida ay ciidamada u dhiirri-gelinayso in Madaxweynuhu uu ku suganyahay furimaha dagaalka.
Madaxweynaha ayaa u kuurgalaya xaaladda ciidamada ku jira dagaalka ka dhanka ah kooxda Al-Shabaab iyo sida ay howgalladu uga socdaan furimaha hore ee gobollada Shabeellaha Dhexe iyo Hiiraan.