𝐑𝐚’𝐢𝐢𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚 𝐨𝐨 𝐠𝐮𝐝𝐝𝐨𝐨𝐦𝐢𝐲𝐞𝐲 𝐤𝐮𝐥𝐚𝐧 𝐡𝐞𝐞𝐫 𝐬𝐚𝐫𝐞 𝐚𝐡 𝐨𝐨 𝐥𝐨𝐨𝐠𝐚 𝐡𝐚𝐝𝐥𝐚𝐲𝐞𝐲 𝐂𝐢𝐫𝐢𝐛𝐭𝐢𝐫𝐤𝐚 𝐂𝐮𝐝𝐮𝐫𝐤𝐚 𝐃𝐚𝐛𝐚𝐲𝐬𝐡𝐚

Muqdisho, Arbaco 04 Nofeembar 2026: — Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta guddoomiyey kulankii ugu horreeyey ee Guddiga Qaran ee Tallaalka iyo Ciribtirka Cudurka Dabaysha (SIPE), tan iyo markii si rasmi ah loo aasaasay guddiga.

Kulanka oo ay ka soo qeybgaleen Wasaaradaha Caafimaadka, Waxbarashada, Maaliyadda, wakiillo ka socday dowlad goboleedyada iyo hay’adaha ka shaqeeya caafimaadka sida WHO, Unicef, Gavi, Africa CDC ,Malinda iyo Gates Foundation , ayaa looga hadlay xoojinta adeegyada caafimaadka carruurta, gaarsiinta tallaalka carruurta aan wali helin, ciribtirka dabaysha iyo kordhinta maalgelinta gudaha, iyada oo la adkeeyay muhiimadda ay leedahay wada-shaqeynta dowladda iyo hay’adaha bahwadaagta ah, si ilmo kasta oo Soomaaliyeed uu u helo adeegyo caafimaad oo aasaasi ah.

Ra’iisul Wasaare Mudane Xamsa Cabdi Barre oo madasha ka hadlay ayaa sheegay sida ay lagama maarmaanka u tahay in isla xisaabtan dhab ah lagu wajaho ciribtirka cudurka dabaysha, isaga oo yiri “Miisaaniyad kasta oo loo qoondeeyay tallaalka waa in ay dhashaa natiijo cad, isla markaana tallaalkaas gaaraa ilmo kasta, iyada oo loo marayo hannaan daahfuran, innaga oo waxqabadkeena ku qiimeynayna inta carruur ee aan xifdinay, iyo tayada adeegyada aan qabanay”.