Itoobiya oo Saylac ku Daray Goobo Taariikhiga ah oo ay Sheegtay in ay Tigreegu Leeyihiin

Taliyaha Ciidamada Difaaca Qaranka Itoobiya, Field Marshal Berhanu Jula, ayaa hadal xasaasi ah oo ku saabsan taariikhda iyo aqoonsiga shacabka Tigreega jeediyay, kaas oo uu ku soo hadal qaaday magaalooyin iyo goobo taariikhi ah oo ku yaalla dalal iyo deegaanno kala duwan oo ka tirsan Geeska Afrika.

Itoobiya oo Saylac ku Daray Goobo Taariikhiga ah oo ay Sheegtay in ay Tigreegu Leeyihiin

Taliyaha Ciidamada Difaaca Qaranka Itoobiya, Field Marshal Berhanu Jula, ayaa hadal xasaasi ah oo ku saabsan taariikhda iyo aqoonsiga shacabka Tigreega jeediyay, kaas oo uu ku soo hadal qaaday magaalooyin iyo goobo taariikhi ah oo ku yaalla dalal iyo deegaanno kala duwan oo ka tirsan Geeska Afrika.

Berhanu Jula ayaa sheegay in shacabka Tigreegu ay door weyn ku leeyihiin taariikhda Itoobiya, isaga oo tusaale u soo qaatay magaalada Saylac ee gobolka Awdal, Cadwa oo ku taalla gobolka Tigreega, deegaanka Dogali ee Eritrea iyo goobta taariikhiga ah ee Nejashi.

Sida uu baahiyay telefishinka VossTV, taliyaha ayaa hadalkiisa ku yiri: “Saylac waxa leh Tigree, Cadwa waxa leh Tigree; Nejashi waa Tigree, Dogali waa Tigree,Tigreega cid ka Itoobiyaansan ma jirto, waxa diiddan waa TPLF.”

Hadalkan ayaa si gaar ah u soo jiitay dareenka kaddib markii taliyuhu uu Saylac ku daray goobaha uu ku tilmaamay inay leeyihiin xiriir taariikheed oo la leh shacabka Tigreega.

Saylac ayaa ka mid ah magaalooyinka ugu taariikhda dheer dhulka Soomaalida, waxaana qarniyo badan lagu yaqaanay inay ahayd xarun ganacsi oo muhiim ah, taas oo xiriir la lahayd Jasiiradda Carabta iyo qaybo badan oo ka mid ah Geeska Afrika.

Hadalka Taliyaha ayaa qeyb ka ah damaca aan dhammaan ee Itoobiya ay ku doonayso dhulka soomaaliyeed, gaar ahaan deegaannada xeebaha leh oo Saylac ay kamid tahay.

Goobjoog Newsletter

Ka hel Goobjoog wixii cusub.

Warar iyo falanqayn, iimaylkaaga.

From the comments