amaankaWararka Dalka

Abaanduule Caanood Oo Sheegay In Al-shabaab Ay Ka Dileen 66 Dagaalyahan

Abaanduulaha ciidanka xoogga dalka Soomaaliya, Jeneraal C/laahi Cali Caanood ayaa sheegay in dagaalkii maalin ka hor ka dhacay deegaanka Buulamareer ee Shabellaha Hoose ku dileen 66 ka mid ah dagaalyahannada Al-shabaab.

Waxa uu tilmaamay Caanood, in sidoo kale ay Al-shabaab ka qabsadeen hub iyo sahay ciidan, ayna gubeen Labo gaari oo qaraxyo lasoo saaray.

Hubka ay qabsadeen ayuu ku sheegay iney isugu jiraan 12 AK-47, 20 PKM, iyo qoryo dhashiike ah.

Dhinaca kale, abaanduulaha ciidamada xoogga dalka ayaa sheegay in dhanka ciidankooda ay waxyeello kasoo gaartay Saddex askari oo haatan la daweynayo.

Al-shabaab ayaa Axaddii weerar waxay ku qaadeen xaro ay ciidanka xoogga dalka iyo kuwa AMISOM ku leeyihiin Buulomareer Shabellaha Hoose, waxaana halkaasi ka dhashay khasaare kala duwan.

Goobjoog News

Related Articles

Leave a Reply

Your email address will not be published. Required fields are marked *

Close