Cali Guudlaawe oo Amray in Mudisho Loosoo Qaado Dhaawaca Saxafiyiintii La Qarxiyay

Madaxweynaha Dowlad Goboleedka Hirshabeelle Cali Cabdulaahi Xuseen Guudlaawe ayaa qadka telefanka kula xiriiray wariyeyaashii ku dhaawacmay qarixii saakay ka dhacay duleedka magaalada Baladweyne ee xarunta Gobolka Hiiraan.

Madaxweyne Guudlaawe ayaa mid mid ula hadlay labada Wariye ee kala ah Khaalid Maxamuud Cusmaan (Ilkacase) iyo Cabdikariin Shabeelow waxa uuna u muujiyay sida uu ula dareemaayo xanuunka dhaawacyada soo gaaray.

Madaxweynaha Hirshabeelle ayaa amray in Muqdisho loo qaado Saxafiyiinta ku dhaawacmay qaraxaasi madaama maanta lagu sii dabiibayay cusbitaalka Istarliin ee Degmada Guriceel ee gobolka Galgaduud ee dowlad goboleedka Galmudug.

Cali Cabdullahi Xuseen ayaa u balan qaaday labada Saxafi in uu si dhaw ula socan doono Xaaladooda Caafimaad oo hada soo hagaageyso, waxaana ugu dambeyn uu ayaa Alle ugu baryay in rabi caafimaad deg deg ah siiyo labada saxafi.

Goobjoog News