Ciidamada Dowladda Oo Howlgallo Ka Wada Afgooye, Sh/hoose

Ciidamada dowladda Federaalka Soomaaliya ayaa maanta waxa ay howlgallo ka wadaan degmada Afgooye ee gobolka Shabellaha Hoose, kadib dagaal maalin kahor ka dhacay degmadaasi.

Wararka waxay sheegayaan in ciidamada ay guri guri u baarayaan xaafadaha ay ka kooban tahay degmada Afgooye, iyadoo maanta uu yar yahay dhaq dhaqaaqii dadweynaha ee degmadaasi.

Goobjooge ku sugan degmada Afgooye ayaa Goobjoog News u sheegay in ciidamo badan oo dowladda ah lagu arkayo xaafadaha degmada Afgooye qaarkood.

Saraakiisha hoggaamineysa howlgalkaan iyo maamulka degmada Afgooye oo aan isku daynay inaan wax ka weydiinno haddii ay jiraan dad lagu soo qabtey howlgalladan waa ay ka gaabsadeen.

Dagaalyahanno ka tirsan Al-shabaab ayaa gelinkii dambe ee Khamiistii lasoo dhaafay waxay weerar ku qaadeen ciidamo ka tirsan dowladda oo ku sugnaa degmada Afgooye, waxaana halkaasi ka dhashay khasaare kala duwan.

Warkaan wixii kusoo kordha kala soco wararkeena kale

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW