Waxaa maanta deeq lacageed la gaarsiiyay Ilaa Sedax Wariye oo siyaabo kala duwan ugu dhaawacmay magaalada Muqdisho kuwaa oo ku jira Isbitaalka Madiina.
Lacagtaan waxaa iska soo kala uruuriyay qaar ka mid ah Warbaahinta Soomaaliyeed, oo isugu jira Talefishano iyo Idaacado, waxaana lacagtaasi la gudoonsiiyay wariyaasha kala ah Cabdirisaaq Cilmi Balck, Nuurre Maxamed Cali iyo  Ibraahim Abdulaahi Axmed Sheelare.
Qarashkaan ayaa ahaa mid uruurintiisa ay u istaageen Sagaal xubnood waxaana laga soo kala qaaday Idaacadaha, Talefishanada iyo Suxufiyiinta Soomaaliyeed Qaarkood, waxaana weli furan.
Abwaan Cismaan Cabdulaahi Guure oo ah Agaasimaha Radio Kulmiye oo halkaasi ka faah faahiyay qaabka lacagtaan oo gaaraysay Laba Kun iyo Todobo Boqol oo doolar ayaa faah faahiyay Qaabka Wariyaashaan lacagta look ala siiyay waxaana ay tahay sidaan.
1-  Cabdirisaaq Cilmi Balck 1,200 (Kun iyo Laba Boqol oo doolar)
2-  Nuurre Maxamed Cali  1,000 (Kun doolar)
3-  Ibraahim Abdulaahi Axmed Sheelare 500 (Shan Boqol oo doolar)
Halkaan hoose ka dhageyso.
Halkaan Hoose ka daawo Sawirada.
Goobjoog News
