Farmaajo iyo Dowlad Goboleedyada oo Dalka Dib Ugu Celiyey 2016, Akhriso War-murtiyeedka

Waxaa goordhow war-murtiyeed laga soo saaray shirka doorashada ee socday madaxda dowladda federaalka ah, dowlad goboleedyada iyo gobolka Banaadir, waxaana muuqata in dib loogu laabtay doorashadii 2016-kii, oo waxyar uun lagu daray.

Heshiiskan waxaa looga guuleystay qodobbadii uu riixayey Farmaajo sida guddiga doorashada madaxabannaan, badinta tirada ergada iyo isku daristooda oo ku dhowaa nus milyan, badinta deegaannada doorasho iyo arrimo kale.

Qodobbada ku qoran heshiiskan waxaa ka mid ah guddi gaar ah loo dhiso doorashada, 2 magaalo loo asteeyo doorashada, tirada xildhibaannada laga dhigo 101 iyo in heshiiska ansixintiisa lagu saro aqalka sare.
Haddaba, Halkan Ka Akhriso, Qodobbada Heshiiska:

1. In Dowladda Federaalka ay magacawdo Guddi Doorasho oo heer Federaal ah kaas oo kaashanaya Guddi Doorasho oo heer Dowlad Goboleed ah.

2. In deegaan doorashooyinka Dowladaha Xubnaha ka ah Dowladda Federaalka laga asteeyo labo magaalo oo ah caasimadaha Gobollada oo ku dhisan yahay Dowlad Goboleed kasta.

3. In tirada ergada Xildhibaan walba u codeynaysa ay noqoto 101 ergo oo mataleysa beesha wadaagta kursigaas.

4. In xulista ergada ay iska kaashanayaan odayaasha dhaqanka, bulshada rayidka ah iyo Dowlad Goboleedka.

5. In qoondada haweenka ee 30% ah la ilaaliyo.

6. In Baarlamaanka heer Dowlad Goboleed ay soo doortaan Xildhibaannada Aqalka Sare.

7. In Xildhibaannada Aqalka Sare ee Soomaaliland ay soo doorataan ergo matasha oo wada jir ah.

8. in doorashada Xildhibaannada labada Aqal ee Soomaaliland ay ka dhacdo magaalada Muqdisho.

9. Qorshaha doorashooyinka dalka waxa uu bilaabanayaa 1-da Nofeembar 2020.
10. In sugidda amniga doorashooyinka ay ka wada shaqeeyaan hay’daha amniga ee Dowladda Federaalka Soomaaliya iyo Dowladaha Xubnaha ka ah.

11. Heshiiskan siyaasadeed waxaa loo gudbinayaa Baarlamaanka Federaalka si ay u meel mariyaan.

12. Madaxdu waxa ay adkaynayaan in xorriyadda hadalku ay tahay lama taabtaan sida ku cad Dastuurka KMG ah iyo Xeerka Saxaafadda ee dalka, sidaa darteed, waa in warbaahinta fursad loo siiyaa in ay si xor ah u tabiso goobaha ay codbixintu ka dhacayso, lagana fogaado wax walba oo ka hor istaagi kara gudashada masuuliyadda kaga aaddan doorashada.

13. Shirku waxa uu uga mahadcelinayaa Madaxda iyo bulshada Dowladda Galmudug sida ay u martigeliyeen shirarkii taariikhiga ahaa ee Samareeb 1-3. Sidoo kale, waxaa ammaan mudan shacabka iyo Maamulka Gobolka Banaadir sidii diirranayd ee ay usoo dhaweeyeen Madaxda Dowlad Goboleedyada iyo wufuuddii la socotay.

14. Waxaan bogaadinaynaa Madaxweynaha JFS Mudane Maxamed Cabdullaahi Farmaajo hoggaaminta kudhisan isku haynta dalka ee uu muujiyay muddadii ay wadahadalladu socdeen, isaga oo xoogga saaray in wadajir iyo wada-ogol lagu dhammeeyo arrimaha doorashooyinka dalka.

15. Ugu dambeyntii, Shirku waxa uu ku bogaadinaayaa Beesha Caalamka kaalinta muuqata ee ay ka geysaneyso dib u dhiska iyo horumarinta dowladnimada Soomaaliya.
Muqdisho, Sebteembar 17, 2020

Related Articles

4 Comments

  1. Dawlad Goboleedyada arrinta fashi;ka shaqa kuma laha, Waa farmaajio iyo kooxdiisa, Toban sano hadiiloogu daro, farmaajio dowlad ma dhisi karo. waa nasiib xumo nagu dhacday.

  2. personal loans wells fargo [url=https://personalloans02.com]https://personalloans02.com[/url] synchrony bank personal loans.
    free online casino slot machines [url=https://onlinecasinonodeposit002.com]https://onlinecasinonodeposit002.com[/url] play casino games online free.

  3. personal bank loans [url=https://personalloans02.com]www.personalloans02.com[/url] personal loans wells fargo.
    online casino canada no deposit bonus [url=https://onlinecasinonodeposit002.com]www.onlinecasinonodeposit002.com[/url] best online casino usa real money.

Leave a Reply

Your email address will not be published. Required fields are marked *

Close
Goobjoog

FREE
VIEW