Guddoomiyaha Xiriirka Kubbadda Cagta Galmudug mudane Xasan Axmed Shire oo safar shaqo ku joogay magaalada Muqdisho tan iyo bishii December 2020 ayaa si weyn loogu soo dhaweeyay magaalada Cadaado ee Maamulka Galmudug,waxaana soo dhaweyntiisa ka qeyb galay bahda ciyaaraha Galmudug iyo bulshada qeybaheeda kala duwan.
Soo dhawayn balaaran ayey u sameeyeen bahda isboortiga degmada, Hogaanka dhalinyarada Galmudug iyo qaybaha bulshada,waxaana looga mahad celiyey is badalkii uu ku sameeyey Xiriirka Kubbadda cagta Galmudug,waxaan guddoomiye Xasan Axmed looga mahadceliyay wax qabadka wanaagsan ay kooxda Galmudug ku soo bandhigtay garoomada caasimada Muqdisho,maadama xidigaha Galmudug ay kaalinta labaad ka galeen tartanka kubbadda cagta Maamul Goleedyada iyo Gobolka Banaadir 2020
“Waan u mahadcelinaynaa Maamulka isboortiga degmada Cadaado,dhalinyarada iyo bulshada qeybaheeda kala duwan,runtii ma qiyaasi karo dareenkayga,waxaan idin lee yahay guulaysta howsha iminka ayay inoo bilaaw tahay” ayuu saxaafadda u sheegay Guddoomiyaha Xiriirka Kubbadda cagta Galmudug mudane Xasan Axmed Shire
“Guddoomiye ku soo dhawaaw degmadaada Cadaado,waxaan adiga iyo Wasaaradda Ciyaaraha Galmudug idinkaga mahadcelinaynaa is badalka muuqda aad ku samayseen kooxda kubbadda cagta Galmudug,anagoo oo dhan waxaan diyaar u nahay horomarinta isboortiga Galmudug” ayuu warbaahinta u sheegay Fahad Maxamuud Cabdi oo ah guddoomiyaha ciyaaraha Magaalada Cadaado.
Sidoo Kale Aqriso Warar Ku Saabsan Guddoomiye Shire
