Imaaraadka Oo Sheegaya In Diyaaradihiisa La Qal-qal Geliyay

Dowladda Imaaraadka ayaa sheegtay in diyaaradaha dagaalka ee dowladda Qatar ay qal-qal galiyeen mid ka mid ah diyaaradaha duulimaadka rayidka oo laga leeyahay Imaaraadka.

Imaaraadka Carabta ayaa tilmaamay in diyaaraddaan la qal-qal geliyay ay u socotay dalka Baxreyn, waxayna ballan qaaday in ay qaadeyso dhammaan tallaabooyinka sharciga ah ee lagu nabad-gelinayo diyaaradaha duulimaadka rayidka.

Balse afhayeen u hadlay dowladda Qatar ayaa diiday eedeymaha loo soo jeediyey waxayna tiri “ Wararka sheegaya in diyaaradaha dagaalka ee Qatar ay weerareen diyaarad Imaaraad ah  waa war aan run aheyn”.

Arrintaani ayaa imaaneysa maalin ka dib warbixinno la sheegayay oo ku saabsanaa in xubin ka tirsan qoyska maamula Qatar lagu heystay Imaaraadka, arintaasna waa uu diiday Imaaraadka waana iska fogeeyay.

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW