Madaxweynaha Colombia Oo Xabsi Guri Lagu Xukumay
Sheeko:Amniga
Maxkamad ku taalla dalka Colombia ayaa madaxweynihii dalka ku xukuntay ganaax dhan 4 kun oo doolar iyo xabsi guri shan maalmood ah, kaddib markii ay ku heshay dembi ah in u hoggaansami waayey amar maxkamadeed oo farayey in la ilaaliyo dhul danguud ahaa oo loo laydhsi tago.
Qoraal ka soo baxay maxkamadda ayaa lagu yiri “Madaxweyne Ivan Duque waxa uu quudhsaday garsoorka, maadaama oo uu qaadi waayey tallaabooyin lagu ilaalinayo beerta qaranka ee Los Nevados, taas oo ay 2020 kii amartay maxkamadda sare ee dalku”.
Maxkamadda ayaa sidoo kale lagu amray in uu dhiso ciidamo booliis ah oo ilaaliya goobaha loo nasiino tago ee dalka Colombia.
Madaxweyne Ivan ayaa ku dooday in dowladdiisu ay sharciga beeraha ay u hoggaansantay balse go’aankaan uu yahay mid sharci darro ah.
Madaxweyne Ivan Duque oo ah 42 sanno jir xukunka qabtay sannadkii 2018 kii, waa madaxweynihii ugu da’ yaraa ee abid dalkaas hoggaamiya.
