Markab Kusoo Caariyay Xeebta Degmada Eyl Ee Gobalka Nugaal

Markab Kalluumeysi oo ay leedahay shirkad laga leeyahay dalka Yemen ayaa lagu soo waramayaa in uu kusoo caariyay xeebta degmada Eyl ee gobalka Nugaal.

Maamulka degmadaasi iyo ciidamada badda Puntland ayaa u gurmaday shaqaalihii markabkaasi saarnaa oo tiradooda la sheegay inay dhameyd 34.

Markabkaan ayaa ku gooshayay calanka Kuuriyada Waqooyi, waxaana dhammaan shaqaalihii saarnaa si nabad ah loo geyay magaalada Garoowe ee caasimadda gobalka Nugaal.

Gudoomiyaha degmada Eyl Muuse Cismaan ayaa u sheegay Goobjoog News, in markabkaan oo la yiraahdo Al Amal shaqaalihii la socday ay u kala dhasheen dalalka kala ah 12- qof oo Indonesia, 14 Kenya u dhashay, 2 Yemen ah iyo 6 qof oo u dhalatay wadanka Vietnam.

“Markabkaan waxa uu kusoo caariyay meel la yiraahdo Gaala-ood oo dhinaca Koonfureed ka xigta degmada, waxaana markabka uu ahaa mid kalluumeysi, dhammaan waa lasoo badbaadiyay, guud ahaan waxaa la geeyay magaalada Garoowe” ayuu yiri gudoomiyaha.

Dhowr markab oo Kalluumeysi ah ayaa sidaan oo kale ugu soo caariyay xeebaha Soomaaliya, gaar ahaan deegaannada Puntland, kuwaasi oo qaarkood si sharci darro ah xeebaha dalka uga kalluumeysta.

Goobjoog News

Related Articles

One Comment

  1. Asc ugu horeyn in la caawiyo ma diidani qof ku harqaday badda balse markabka ma xaqiijiseen inuu haystay ruqsada kaluumaysiga wadanka ama dawlada Puntland aan iraahdee??? Jinsiyadaha kala ah Vietnam Kenyan iyo Indonisia ee aad geyseen Garoowe baaritaan maku samayseen ? Mise waa la iskala orday sidii meyd loo dedejinayo gurigiisii dhabta ahaa xaalada markabkana maxay ku danbeysay ? Suaalo badan baan isweydiinayaa oo aan jeclaan lahaa inaan idinla wadaago inkastoo ay ahayd mar hore dhacdadani anigase caawa ayaan daawaday oo ay i taabatay taariikhduna waa 1dii june 2019. Degmadan eylna waxaan rajaynayaa inaan soo dego mustaqbalka dhaw weliba mr Diiriyoos oo aan ku arkay muuqalka baan garanayaa isagoo u shaqayn jirey Masxafkii weynaa ee ku yaalay muqdisho sanadihii 80maadkii waana nin aanu sxbo nahay ninkaa wax badan baa laga faaiidi karaa cilmi buuna uleeyahay waana sababta uu ugu soo noqday wadanka anigana waan ku soobiiri doonaa insha ALLAH dhawaan.
    waad mahadsan tihiin

Leave a Reply

Your email address will not be published. Required fields are marked *

Close
Goobjoog

FREE
VIEW