Nabaddoon Caawa Lagu Dilay Gaalkacyo

Waxaa caawa waqooyiga magaalada Gaalkacyo ee gobolka Mudug lagu dilay mas’uul ka tirsanaa dowlad gobaleedka Puntland.

Kooxo ku hubeysnaa Bastoolado ayaa  caawa maqribkii ka dib dil ugu geystay xaafadda Garsoor mas’uul la sheegay inuu ahaa guddooomiyihii waaxda shanaad ee xaafada Garsoor.

Wararka  cawa Goobjoog News ay Gaalkacyo ka helayso ayaa ku waramaya in marxuumka la dilay lagu magacaabayey Cabdiraxmaan Nuur Geesdiir, sidoo kale waxaa uu ahaa mid ka mid ah nabaddoonnada sida weyn looga yaqaanay gobalka Mudug.

Wararka ayaana intaasi ku daraya in guddomiyaha  la dilay ka dib markii uu ka soo baxay Masjid uu salaadii Maqrib ku tukaday, xili uu ku siijeeday hooygiisa isla xaafada ah.

Kooxii dilka geystay ayaa goobta isga baxday, ciidamada ammaanka oo goobta soo gaaray ayaa bilaabay baaritaanno ay ku baadi goobayaan qoolyihii dilka ugu geystay guddoomiyaha,  mana jiro cid loo soo qabtay dilka caawa ka dhacay Gaalkacyo.

Waxaa mudooyinkii dambe isa soo taraayey dilalka ka dhacaayo magaalada Gaalkacyo iyo deegannada kale ee Puntland, kuwaas oo  loo geysto ciidama ammaanka iyo dadka mas’uuliyiinta ah.

Goobjoog News

 

Related Articles

19 Comments

  1. It’s a pity you don’t have a donate button! I’d without a
    doubt donate to this outstanding blog! I suppose for now i’ll settle for book-marking and adding your RSS feed to my Google account.
    I look forward to new updates and will talk about this website with my
    Facebook group. Chat soon! https://www.wisig.org/

Leave a Reply

Your email address will not be published. Required fields are marked *

Close
Goobjoog

FREE
VIEW