Puntland: Amarro Lagu Soo Rogay Dadka Hubka Sita

Magaalada Garoowe ee caasimadda dowlad gobaleedka Puntland ayaa waxaa lagu soo rogay amarro dhanka ammaanka kuwaas oo la xariira dadka hubka ku dhex heysta magaalada gudaheedaha

Taliyaha Ciidamada Booliska Dowlad Goboleedka Puntland Sarreeye Gaas Muxudiin Axmed Muuse ayaa sheegay  ciidanka Booliska  marnaba uusan cidna ka  ka ogolaan doonin in hub lagu dhexsito gudaha magalada Garoowe, waxana uu sheegay in ciddii lagu arko lagala wareegayo.

Sidoo kale, taliyaha ayaana sheegay in arrintaan looga golleeyahay sidii loo xaqiijin lahaa ammaanka magaalda, isaga oo carabka ku dhuftay in howlgalkaan lagula dagaalamayo dadka Hubka ku dhex qaata magaalada oo waliba ay ku jiraan ciidama aan shaqada ku jirin oo ayaga oo hubeysan jooga magaalad isaga oo arrintaas ka hadlaayana waxaa uu yiri” Marnaba ma ogolaaneyno in Magalada hubka la isaga dhexwato ciidamada howlgallada ku jira waxaan u sheegayaa inay qorayaha ka qaadaan cidii ay ku arkaan, iyaga oo Magalada ku dhexsita,ilaalada Madaxda xataa laguma arki karo magalada xarumahooda haku ekaadaan ayuu yiri” Sarreeye Gaas Muxuyadiin Axmed Muuse”.

Hadalka Taliska  Ciidanka Booliska dowlad gobaleedka Puntland Sarreeye Gaas Muxuyadiin Axmed Muuse ayaa ku soo aadaya ayadoo ciidamada Booliska Puntland ay maalmihii la soo dhaafay howlgallo kala duwan ka sameynayeen Xaafadaha gudaha kala duwan ee Magalada Garoowe.

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW