Sawirro: Wasiir Fiqi oo Kormeeray Koontoroolada Gaalkacyo Xilli Galmudug Ay Halkaasi Geysay Ciidamo Boolis Ah

Wafdi uu hoggaaminayay wasiirka amniga dowlad goboleedka Galmudug Axmed Macallin Fiqi islamarkaana ay qeyb ka ahaayeen Senetaro ayaa maanta waxa ay kormeer ku sameeyeen baraha Koontorool ee Koonfurta magaalada Gaalkacyo ka dib markii dhowaan wasaaradda amniga Galmudug ay halkaasi geysay ciidamo boolis ah.

Wasiir Fiqi oo dadaalo kawada deegaannada Galmudug ayaa waxa uu dhowaan ku guuleystay inuu si rasmi ah ula wareego maleeshiyaad hubeysnaa iyo gaadiidkoodii, waxaana haatan u suura gashay in baraha Koontorool ee Koonfurta magaalada Gaalkacyo uu ku wareejiyo ciidamo boolis ah oo si toos ah uga amar qaadan doona wasaaradda amniga Galmudug.

Ciidankan booliska ah ayaa hadda ka dib sugi doona amniga Koonfurta Gaalkacyo iyada oo sidoo kale ay dhamaan la wareegeen goobihii lagu qaadi jiran canshuurta, waana tallaabooyin dhinaca horumarka iyo nabad gelyada loo qaaday islamarkaana ay masuuliyadeeda leedahay wasaaradda amniga Galmudug oo uu wasiirka ka yahay Axmed Macallin Fiqi.

Wasaaradda amniga Galmudug ayaa sidoo kale waxa ay horey u balan qaadday inay dhisi doonto ciidan daraawiish ah kuwaas oo isugu jiri doona qeybaha kala duwan ee ciidanka, waxaana haatan muuqanaysa ififaalo ciidan xooggan oo tayeysan ay u ku helayso Galmudug.

Halkan ka daawo sawirrada

Image may contain: one or more people, people standing, sky, outdoor and nature

Image may contain: one or more people, people standing and outdoor

 

Image may contain: one or more people, people standing and outdoor

Image may contain: one or more people, people standing and outdoor

Image may contain: 5 people, people standing and outdoor

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW