Shirka Doorashooyinka Oo Maalintiisi 3-aad Muqdisho Ka Socda

Waxaa maalintiisi seddaxaad galay shirka wadatashiga arrimaha doorashooyinka ee magaalada Muqdisho uga socda madaxda golaha wadatashiga qaranka.

Shirkaan oo ay ka qeyb galayaan madaxweynayaasha dowlad goboleedyada dalka uuna shir guddoominayo ra’iisul wasaare Rooble ayaa lagu wadaa in heshiis kama dambeys ah lagaga gaaro arrimaha doorashooyinka dalka.

Madaxda ayaa lagu wadaa sidoo kale in ay warbixino ka dhageystaan guddiyada doorashaa iyo hanaanka ay wax u wadaan.

Ajendayaasha ugu waaweyn ee shirka lagu gorfeynayo ayaa waxaa kamid ah:-

1: Amniga doorashada

2: Habraacyada doorashada

3: In hal deegaan doorasho lagu soo koobo doorashada golaha shacabka.

4: Jadwal doorasho oo cusub

Shirka ayaa shalay waxaa ka qeyb galay xubna ka socda beesha caalamka iyo midawga musharixiinta kuwaas oo cabashadoda ku aadan doorashada golaha u soo bandhigay.

Kulanka ayaa marka uu soo dhamaado maalmaha soo socda waxaa la filayaa in ay uu ka soo baxo heshiis doorasho oo dalka ka dhacda.