Taliyihii Booliiska Qardho Oo La Dilay

Wararka naga soo gaarayo magaalada Qardho ee waqooyiga gobalka Bari ee deeganada Puntland ayaa sheegaya in kooxa cabtooy ah ay magaalada ku dileen taliyihii saldhigga booliiska Qardho.

Dilka taliyaha ayaa yimid subaxnimadii hore ee saaka xilli uu ku jiray howlgal ka dhan ah kooxa muqaadaraadka isticmaala ee ku sugan degmada Qardho.

Taliyaha la dilay ayaa lagu magacaaba Cumar Hiiraad Kaatuun, waxaana uu ahaa taliyihii saldhigga booliiska ciidamada Puntland ee magaalada Qardho.

Maamulka gobalka Bari iyo kan Puntland weli wax faahfaahin ah kama aysan bixin dilka taliye Cumar Hiiraad Kaatuun, oo ay dileen kooxa uu la dagaalamayay oo isticmaala waxyaabaha maanka dooriya.

Ciidamada Puntland ayaa muddooyinkii u dambeeyay dagaal xooggan kula jira kooxa isticmaala muqaadaraadka ee ku sugan deegaanada Puntland.

Goobjoog News