Wasiirka Amniga Gudaha Iyo Taliyaha Ciidanka Booliiska Oo u Amba Baxay Jabuuti

Magaalada Muqdisho waxaa maanta ka amba baxay wasiirka amniga gudaha Cabdirisaaq Cumar Maxamed iyo taliyaha ciidamada Booliiska Soomaaliyeed Maxamed Sheekh Xasan Xaamud, iyaga oo kusii jeeda dalka Jabuuti.

Uljeedka safarkooda ayaa ah in tababar ay usoo xiraan ciidamo ka tirsan Booliiska Soomaaliya, kuwaasi oo dalka Jabuuti tababar uga socday.

Taliyaha ciidanka Booliiska Soomaaliyeed Maxamed Sheekh Xasan Xaamud ayaa saxaafadda si kooban ugu sheegay in Jabuuti ay u tagi doonaan in tababar ay ciidamo usoo xiraan iyo sidoo kale arrimo ku saabsan horumarinta ciidamada.

“Waxaan ugu soconaa Jabuuti tababar in aan u soo xirno ciidamo ka tirsan Ciidanka Boliiska Soomaaliyeed oo tababar wadankaasi uu ugu soconayo muddo, waxaana u taaganahay dhismaha Ciidanka Boliiska Soomaaliyeed, oo horseed u ah xoojinta sugida Ammaanka” ayuu yiri taliyaha

Waxaa socdo tababaro sare loogu qaadayo aqoonta ciidamada Booliiska Soomaaliyeed, iyadoo maanta xusid ay mudan tahay in magaalada Baladweyne tababar looga furay qaar ka mid ah ciidanka Booliiska Soomaaliyeed.

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW