Weerar Dagaal Oo Lagu Qaaday Fariisin Ciidamada AMISOM Ku Lahaayeen Shabellaha Hoose

Faah faahin dheeraad ah ayaa laga helayaa weerar gabaldhacii shalay ay ciidamo ka mid ah Al-shabaab ku qaadeen fariisin ciidanka AMISOM ku leeyihiin deegaanka Golweyn ee gobalka Shabellaha Hoose.

Dagaalkaasi oo socda daqiiqado badan ayaa la’isku adeegsaday hubka culus, inkastoo weli aan lahayn khasaaraha rasmig ah ee halkaasi ka dhashay inta uu la egyahay.

Gudoomiye ku xigeenka dhanka amniga ee maamulka gobalka Shabellaha Hoose Cali Nuurre Maxamed oo la hadlay Goobjoog News, waxa uu sheegay in weerarkaasi aanu ahayn mid xooggan, ayna iska difaaceen ciidankii weerarka soo qaaday.

“Deeganka Golweyn ayeey weerar aan xooganeen kusoo qaadeen, waxa sidaa u buuran ma ahayn waa la’iska caabiyay, waana la kala weryay’ ayuu yiri Cali Nuurre.

Dhinaca kale gudoomiye ku xigeenka dhanka amniga ayaa sheegay in xaaladda guud ee gobalka haatan ay tahay mid amni ah, xill deegaanno ka mid ah gobalkaasi ay ka dhacayaan qaraxyo iyo weeraro kale.

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW