Xildhibaan Ka Tirsan Baarlamaanka Puntland Oo Caawa Lagu Dilay Magaalada Gaalkacyo

Koox Hubeysan ayaa caawa maqribkii waxa ay magaalada Gaalkacyo ee gobalka Mudug ku dileen xildhibaan Saciid Xuseen Nuur Dirir oo ka mid ahaa mudanayaasha baarlamaanka Puntland.

Wararka ayaa sheegaya in xildhibaanka uu soo dukaday Salaadda Maqrib, islamarkaana ay jidka u galeen rag hubeysan oo sidoo kale halkaasi ku dilay askari isaga ilaalo u ahaa.

Qof ku sugan magaalada Gaalkacyo ayaa inoo sheegay in dilka markii uu dhacay ka dib la maqlay Laba qarax oo ah Bam gacanta laga tuuray, kuwaasi oo ay adeegsadeen ragii dilka ka dambeeyay xilliga ay baxsanayeen.

Ciidamada Puntland ayaa howlgal ka wada halka dilkan uu ka dhacay, waxaana sidoo kale xaalad ka duwan sidii hore caawa laga dareemayaa magaalada Gaalkacyo.

Majirto cid sheegatay mas’uuliyadda dilkaan, hase ahaatee dilalka sidaan oo kale ah ayaa kusoo laab laabtay magaalada Gaalkacyo.

Goobjoog News

Related Articles

One Comment

  1. Three points against relegated Middlesbrough at Anfield on Sunday may not be enough for Liverpool to avoid a nightmare draw against Borussia Dortmund, Sevilla or Napoli. Why Liverpool must finish third to avoid potential nightmare Champions League play-off with Borussia Dortmund… and how it could all come down to a Russian League match

Leave a Reply

Your email address will not be published. Required fields are marked *

Close
Goobjoog

FREE
VIEW