Xildhibaan Shariif : Kuraasta Dalka in Dhaqaale  lagu Xiro Maaha

Xildhibaan Shariif Maxamed Cabdalla oo ka tirsan baarlamaanka federaalka Soomaaliya oo wareysi gaar ah siiyay Goobjoog News ayaa ka biyo diiday lacagaha lagu xiray musharixiinta kuraasta xildhibaanimo ee dalka.

Xildhibaanka oo aan la yeelanay wareysi dhinacyo badan taabanaya kuna saabsan doorashooyinka dalka, ayaa ugu horreyn ka hadlay iney tahay in la wada qaato mas’uuliyadda doorashooyinka dalka :

“Doorashadu waa xil ummadda oo dhan saran madax iyo shacabka intiisa kalaba, waa arrin ahmiyad weyn leh oo in lagu kala aragti duwaanado aaney ahayn, iney doorasho dhacdo oo dalkii laga badbaadiyo firaaq dowladeed in uu dalka ku yimaaddo”.

Xildhibaanku waxa uu hoosta ka xariiqay in mas’uuliyaddu ay si gaar ah u saaran tahay  odayaasha dhaqanka:

“Doorashadan dadbadan waxay mus’uuliyeedadu taabaneysaa hoggaamiye dhaqameedyada, kaalintooda ayay noqotay iney reeraha ay matalaan ay ka soo xulaan 51 qof oo loo qaateen ah oo bulshada qeybaheeda kala duwan ka kooban, odayaal, culumo, haween, dhalinyaro, aqoonyahan, ganacsato iyo wixii kale ee soo raaca, mas’uuliyaddii oo dhan iyagaa qaadaya soo xulaya qofka ku habboon, ergadii iyaga ayay gacantooda ku jirtaa, waayo aragnimo hufnaan, wadaniyad. Haddii qof loo qaateen ah ay soo xulaanna dalku waxa uu marayaa dariiq wanaagsan”.

Xildhibaan Shariif waxa uu tilmaamay inuu aad ula yaaban yahay in lacag lagu xiro kuraastii dalka:

“Arrinkaa waan arkay waanan la yaabay in dadka lagu kala reebo dhaqaale!, waxay ahayd in lagu kala reebo arrimo kale, Aqoon, waayo aragnimo, taariikh nololeed, garaad ; in lacag lagu kala reebo mid meesha ku jirta maaha, qofkii lacag haysta dalka ha xukumo kaan haysaninna suuqa ha galo ayay u ekaaneysaa, arrintaas lacagta diiwaan galinta waa in lagu qiyaaso warqadaha daabacadooda; laakiin 5000 oo dollar  sax maaha, aqliga ay ka timidna mid hufan ilama ah, aqli wadaniyad ku jirto maaha, dad si wax u helay ayaa raba in dadka ka dhaqaalaha yar riixaan , kuraasta dalka in dhaqaale lagu xiro maaha”.

Go’aan siyaasadeed oo ka soo baxay golaha madasha wadatashiga qaran bishii Juun ee aan soo dhaafnay ayaa lagu gaaray in musharixiinta baarlamaanka dalka lagu kala reebo lacag, aqalka sare ayaa lagu xiray 10000(toban kun oo dollar), halka aqalka hoose lagu xiray 5000 oo dollar.

Goobjoog News

Related Articles

Leave a Reply

Your email address will not be published. Required fields are marked *

Close
Goobjoog

FREE
VIEW