Dooni Qaad u siday Kismaayo oo ku degtay Jasiirada Madhawaa
Sheeko:War
Hal qof ayaa ku geeriyootay kadib markii dooni qaad (Jaad) siday ay kula quustay Jaziirada Madhawa ee gobolka Jubada Hoose.
Doonidan oo siday qaad aad u fara badan ayaa ku sii jeeday magaalada Kismaayo , iyadoo uu ka badbaaday shilkaasi naakhuudihii doonida.
Shilkan ayaa yimid markii dabaylo xooggan ku dhufteen Jaziiradaha ku yaala Jubada Hoose.
Waa markii labaad toddobaadkan gudihiisa uu shil caynkan ahka dhaco Jaziiradda Madhawa ee gobolka Jubadda Hoose
Wariyaha Goobjoog FM ee Gobolada Jubooyinka Muscuud Cabdulaahi Aadan ayaa sheegay in goobjoogayaal ka ag dhow goobta ay sheegeen in doonida ay gebi ahaan ku quustay badda.