Madaxweyne Xasan Sheekh Oo Hay’adaha Amniga Ku Amray Inay Soo Qabteen Kooxdii Ka Dambeysay Dilka Xildhibaan Gurxan
Madaxweynaha Soomaaliya Xasan Sheekh Maxamuud ayaa si kulul u cambaareeyay dilka xildhibaan Maxamed Axmed Gurxan oo shalay koox hubeysan ku dishay magaalada Muqdisho.
War-saxaafadeed kasoo baxay xafiiska Ra’iisul wasaaraha ayaa sidaan u qorenaa:-
Madaxweynaha Jamhuriyadda Federaalka Soomaaliya, Mudane Xasan Sheekh Maxamuud, ayaa ka tacsiyeeyey geeridii Allaah ha u naxariistee Marxuum Maxamed Axmed Gurxan oo ka mid ahaa Baarlamaanka Federaalka Soomaaliya oo xalay fiidkii u geeriyooday dhaawac shalay Muqdisho loogu geystay.
Madaweynaha ayaa tacsi u diray qoyska iyo qaraabada marxuumka iyo sidoo kale Baarlamaanka Federaalka iyo dhammaan umadda Soomaaliyeed isaga oo EBBE uga baryey marxuumka inuu Jannadii Fardowsa ka waraabiyo.
” Inaa Lilaahi wa inaa Ilaahi raajicuun, EEBE Jannadii Fardowsa haka waraabiyo Marxuum Maxamed Axmed Gurxan ,sabar iyo iimaan Allaah haka siiyo ehaladiisa, qaraabadiisa iyo dhammaan Umadda Soomaaliyeed . Waa geesi shahiiday oo naftiisa u huray u shaqeynta iyo badbaadinta ummadda iyo qarannimadda Soomaaliyeed ” ayuu yiri Madaxweynaha
Ugu dambeyntii, Madaxweynaha ayaa ku amray hey’adaha ammaanka inay gacanta ku soo dhigaan kooxdii dishay Marxuum Maxamed Axmed.
—DHAMAAD—