Cafiska Mukhtaar Roobow Kadib, Akhriso Liiska 7dii Uu Mareykanka Lacag Dul Dhigay

Wasaaradda arrimaha dibadda Mareykanka ayaa la sheegayaa in ay Wadaadka Mukhtaar Mansuur Roobow ka saartay liiska dadka ay lacagta dul dhigeen.

Sida ay qortay VOA-da, Mareykanka ayaa sidaa go’aansaday Jimcihii.

Sheekh Roobow oo ahaa ku-xigeenka Al-shabaab, waxaa uu hadda ku sugan Koonfur Galbeed, waxaa la sheegayaa in ay jiraan wada hadal u socda isaga iyo maamulka halkaasi ka jira, waxaana muuqata in heer fiican laga gaaray.

Bisii June 2012-kii, wasaaradda arrimaha dibadda Mareykanka ayaa lacag dul dhigtay madaxda Al-shabaab uu xiligaas ku jiray Mukhtaar Roobow, raggaas oo intooda badan qaarna la dilay, qaarna is dhiibeen.

Maraeykanka waxaa ay sheegeen in $7 Milyan dul dhigeen aasaasaha Al-shabaab Axmed Cabdi, $5 Milyan ragga kala ah Ibrahim Xaaji Jaamac, Fu’aad Maxamed Khalaf, Bashiir Maxamed Maxamud iyo Mukhtaar Roobow halka $3 Milyan la dul dhigay Zakariye Ismaaciil Xersi iyo Cabdullahi Yare.

Goobjoog News